Тирсә авылының алтын куллы остасы Илнар Сибатов быелыгы авыл Сабан туена үзе ясаган паровоз белән чыга.
Аны ясау теләге узган ел Әгерҗедә узган республикакүләм “Пчелино“ бәйрәме вакытында туган.
Паровоз өчен иске “Жигули“ның запас частьларын файдалана, моторы – мотоблокныкы. Вагоннарның профнастил белән “төрә“. Түбәсен поликорбанат белән яба. Тәгәрмәчләре – җиңел автомобильнеке. Майдан бушаган мичкәне дә эшкә җигә оста. Матур наклейкаларын заказ биреп кайтарта.
Уенчык паровозны сынап та караганнар Сибатовлар. Узган атнада Варкләд-Бодьяда Авыл көне бәйрәменә алып барганнар. “Бала-чага рәхәтләнеп йөрде“, ди Илнар. Шимбә көн туган авыллары Тирсәдә узачак Сабан туена да паровозны алып чыгачаклар алар.