Әгерҗедә балалар бакчасы төзекләндерелә

2018 елның 30 июле, дүшәмбе

Әгерҗедәге 5нче балалар бакчасы – быел районда капиталь ремонт программасына кертелгән бердәнбер мәктәпкәчә мәгариф учреждениесе. Биредә ремонтка 13 миллион 67 мең сумнан артык акча бүленгән.

5нче бакча ике өлештән тора: төп бина һәм янкорма. Төп бина 1966 елда сафка баскан булган. Биредә бер генә тапкыр да капиталь ремонт эшләре алып барылмаган.
  • 2010 елда, ягъни сигез ел элек сафка баскан янкормага төзекләндерү таләп ителә инде бүген. Менә шуннан 52 ел элек сафка баскан төп бинаның ни хәлдә булганлыгын күзаллагыз инде, ди мөдир. – Төзүчеләр эш башлаганда стеналар гына торып калгач, боларны кайчан төзекләндереп бетерерләр икән дип куркып та куйган идем хәтта.  
Программа кысаларында төп бинада тәрәзәләрне һәм ишек блокларын, электр хуҗалыгын, җылыту, су белән тәэмин итү һәм канализация системаларын, санузелларны алыштыру, керү уңаен төзекләндерү, беренче катка җылы идәннәр җәю, бинаның тышкы ягын җылыту һәм тышлау планлаштырылган. Яңартылган  бакчаны ачу тантанасы 13 августка билгеләнгән. Әнә шул көннән соң бирегә йөрүче 160 сабый, коллективтагы 44 хезмәткәр өчен яңача тормыш башланачак.  
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район һәм шәһәр турында
Документлар
Матбугат үзәге
Гражданнар мөрәҗәгатьләре
Телефон: (85551) 2-20-42
Факс: (85551) 2-27-05
E-Mail: Priemnaya.Agryz@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International