Курск шәһәрендә XII җәйге Бөтенроссия авыл спорт уеннары узды. Татарстан командасы составында чыгыш ясаган Тирсә спортчысы Гөлчәчәк ХӘКИМОВА армрестлинг буенча җиңү яулады һәм Диплом, медаль белән бүләкләнде.
Быелгы уеннар аеруча үзенчәлекле – Курск өчен барган сугышларның 75 еллыгына багышланган.
Катнашучылар үз көчләрен авыр атлектика, волейбол, өстәл теннисы, самбо кебек ярышларда сынаганнар. Ә кул көрәше буенча республикабыз данын Гөлчәчәк яклаган.Ул 70 килога кадәр авырлыктагы көндәшләрен уң кулы белән дә, сул кулы белән дә җиңүгә ирешкән.
Нык куллы ханымны чираттагы җиңүе һәм Физкультурачылар көне белән котлыйбыз һәм яңадан-яңа уңышлар телибез!