Кадыбаш китапханәсендә Россия көне уңаеннан бәйрәм узды

2019 елның 13 июне, пәнҗешәмбе

Кадыбаш авылы китапханәсе һәм Мәдәният йорты хезмәткәрләре тарафыннан балалар өчен Россия көне уңаеннан бәйрәм үткәрелде.

Балаларга презентация аша Россия тарихына күзәтү ясалды. Ә аннан соң балалар ике командага бүленеп ярыштылар: Россия тарихына кагылышлы сорауларга җавап бирделәр, рус шагыйрьләренең шигырьләрен сөйләделәр, туган илебезгә багышланган рәсем ясадылар. Соңыннан китапханәче Фәридә Каюмова китапларга күзәтү ясады һәм "Клады и сокровища Руси" китабыннан өзекләрне кычкырып уку оештырылды.

Балалар бу очрашудан үзләренә бик күп файдалы мәгълүмат алдылар.