ЯҢАЛЫКЛАР

Быел Татарстанда 50-100 хуҗалыклы авылларга 43 модульле кибет төзергә  планлаштыралар. Мондый бәхет безнең районның Пеләмеш һәм Варкләд-Бодья авылларына елмаячак.

Чит-ят күзләрдән сакланырга тырышкандай агачлар арасына яшеренгән бу кечкенә авыл олы юлдан ерак түгел. Аның үзенә генә хас матурлыгы, кунакчыл   халкы бар. Әйдәгез, бергәләп ЕЛЕНОВСКИЙ авылына сәяхәт кылып кайтыйк әле.

Салагышта район башлыгы Валерий Макаров катнашында узган гражданнар җыенында халык үзен борчыган  сорауларны җиткерде. Болар – урамнарның яктыртылуы, су басымының түбән булуы, почта бинасында җылылык булмау һәм башкалар. Валерий Макаров һәр сорауга да чишелеш табылачагын белдерде. Проблемалар белән бергә шушы авыл эшмәкәрләре Мөхәммәдиевлар һәм Ямурзадан Сәхиповларга тирән рәхмәт сүзләре дә җиткерделәр. Әнә, Мөхәммәдиевлар Яңа ел бәйрәмендә лоторея уенына тере бүләк – бозау биргәннәр. Ашлык, печән, салам откан авылдашлары да бик сөенгән. Район башлыгы да аларга олы рәхмәтен белдереп эшләрендә уңышлар теләде.    

Әгерҗе район үзәк китапханәсендә Татарстанның атказанган мәдәният хезмәткәре һәм  атказанган укытучысы, Рафаил Төхвәтуллин,Саҗидә Сөләйманова исемендәге бүләкләр иясе, Габдулла Тукай исемендәге дәүләт премиясе лауреаты Клара апа Булатова белән очрашу кичәсе узды.

15 январь көнне Үтәгән авылы клубы мөдире  оештыруында  авыл яшьләре арасында чаңгы ярышлары узды. Ярыштан соң Клуб эчендә балалар белән  төрле кызыклы уеннар булды.

“Агрохимсервис“ җәмгыятенең “Наҗар“ ярдәмчел хуҗалыгында терлекләрне кышлату дигән темага семинар-киңәшмә узды.