36 яшьлек ир-ат алимент түләмәгән өчен хөкем ителгән
Элегрәк ул административ җаваплылыкка тартылган иде инде.
Район прокуратурасы балаларны тоту өчен акча түләмәүдә гаепле 36 яшьлек җирле кешегә карата җинаять эше буенча дәүләт гаепләвен хуплады.
Судта гаепләнүче ике балигъ булмаган баланы матди карап торуга акча түләргә тиеш, дип билгеләнгән. Әмма 2023 елның июленнән ноябренә кадәр ул алимент түләүдән кача.
Элегрәк ул алимент түләмәгән өчен административ җаваплылыкка тартылган иде инде. Ул вакытта аңа 20 сәгать мәҗбүри эш рәвешендә җәза билгеләнгән иде.
Алиментлар буенча гомуми бурыч 400 мең сумнан артык тәшкил итте. Гаепләнүче үз гаебен өлешчә таныды.
Суд гаеплене 6 айга төзәтү эшләренә хөкем итте, дәүләт табышына 5% акча тотып калып.
Хөкем карары законлы көченә кермәде.
Әгерҗе районы прокуратурасы материаллары буенча