Әгерҗедә 3 яшькә кадәрге балаларга 5000 сум акча ничек биреләчәк

2020 елның 10 апреле, җомга

Чәршәмбе көнне Әгерҗедә коронавирус буенча район штабының «кайнар линия» телефоннарына үз-үзеңне изоляцияләү режимына кагылышлы сораулар белән 10 шалтырату килде. Моннан тыш, медикаментлар китерүдә волонтерлык ярдәме күрсәтү үтенече белән 16 шалтырату булды. Азык-төлек сатып алуга ике талон бирелде.

- 3 яшькә кадәрге балаларга 5000 сум акча түләү буенча шалтыратулар килә башлады, - дип хәбәр итә штаб җитәкчесе Римма Гыйльметдинова. – Хәзерге вакытта үз-үзеңне изоляцияләү шартларында гаризалар кабул итү механизмы эшләнә. Якын көннәрдә акча күчерү регламенты буенча барлык мәгълүмат массакүләм мәгълүмат чаралары аша халыкка җиткереләчәк.