Эдуард Шәрәфиев: безгә беркайчан да бердәм, көчле булырга кирәк
Депутатлар укучылар белән очрашу уздырды.
Әгерҗенең 4нче мәктәбендә милли сәясәткә багышланган парламент дәресе узды. Дәрескә ТР Дәүләт Советы депутатлары Айрат Зарипов һәм Эдуард Шәрәфиев белән 9 сыйныф укучылары, аларның укытучылары җыелды.
Тере диалог форматында узган дәрес балалар өчен дә, педагоглар өчен дә, хөрмәтле кунаклар өчен дә көтелмәгән хәл булды. Куелган тема буенча фикер алышканда күп кенә юнәлешләрне колачладылар. Төрле милләт вәкилләренең милләтара, конфессияара бәйләнешләре турында сөйләштеләр. Гаилә кыйммәтләренә, мәхәббәт темасына кагылды.
Махсус хәрби операциядә катнашучы Эдуард Шәрәфиевның мөрәҗәгате бик тәэсирле яңгырады.
- Бүген, Көнбатыш илләре безнең халыклар арасында дошманлык чәчәргә тырышканда, безгә беркайчан да бердәм, көчле булырга кирәк. Уяу булыгыз, сезгә килгән ялган, пычрак мәгълүматны тәнкыйтьләгез, алыгыз, тикшерегез, анализлагыз. Әгәр дә сез мәгълүматка шикләнсәгез, аны бөтенләй укымаска, кичектерергә яхшырак, дип кисәтә ул.
Айрат Зарипов, мәгариф, мәдәният, фән һәм милли мәсьәләләр комитеты рәисе буларак, илебездә барлык халыклар өчен тигез шартлар тудырылган милли сәясәт турында конкрет сөйләшүне алып барды.
Шулай ук Айрат Ринатович һәм Эдуард Сөләйманович депутат булу һәм законнар чыгару авырмы дигән сорауларга җавап бирделәр. Алар шулай ук кызыксынган балаларны ТР Дәүләт Советына экскурсиягә чакырдылар.
- Тере, конструктив сөйләшү булды. Безгә бик рәхәт булды, безгә бик кызык булды, – дип ассызыклады сүзен депутатлар.