Рейд барышында "Автобус" 10 хокук бозу очрагы ачыкланган
Районның дәүләт автоинспекторлары автобусларның техник торышын, кирәкле документларның булуын, шулай ук машина йөртүчеләрнең юл хәрәкәте кагыйдәләрен үтәвен тикшерделәр.
Бүген Әгерҗе районында «Автобус» оператив-профилактик чарасы узды. Районның дәүләт автоинспекторлары автобусларның техник торышын, кирәкле документларның булуын, шулай ук машина йөртүчеләрнең юл хәрәкәте кагыйдәләрен үтәвен тикшерделәр.
Мәгълүм булганча, Россия Эчке эшләр министрлыгының Әгерҗе районы буенча ЮХИДИ бүлегендә рейд вакытында нибары 10 хокук бозу теркәлгән.
Автоинспекторлар автобус йөртүчеләрне һәм коммерцияле ташуларны оештыручыларны пассажирларның куркынычсызлыгын тәэмин итү өчен законнарның барлык таләпләрен тайпылышсыз үтәргә чакыра. Пассажирлар ташуны контрольдә тоту чаралары дәвам ителәчәк.