Сайлау көнне Әгерҗедә ярминкә гөрләде

Россия Президентын сайлаулар көнне Әгерҗенең үзәк мәйданында шәһәр халкы өчен ярминкә гөрләде.

Авыл халкы арзан бәядән ит, ашлык, сөт һәм сөт ризыклары, чәкчәк, бал тәкъдим итте. Район Мәдәният сарае үзешчәннәре дәртле җыр-биюләре белән халыкның кәефен күтәрделәр. Көчле буран булуга карамастан, ярминкәгә килүчеләр күп булды.