Әгерҗе районында талантлы укучыларны хөрмәтләделәр

Өченче ел рәттән Әгерҗе районында “Талантлар фестивале“ уздырып, ел дәвамында укуда, спортта, сәнгатьтә зур уңышларга ирешкән укучыларны, аларны бәйгеләргә әзерләгән педагогларны хөрмәтлиләр.

Быел талантлы егет-кызларны “Талант гаиләдә туа“, “Ел укучысы“, “Олимпиада йолдызлары“, “Спорт, син – тормыш!“, “Техник иҗат“ номинацияләрендә бүләкләделәр. Аларга исемле медальләр, кубоклар тапшырдылар.

• Сез – районыбыз горурлыгы булган укучылар. Алга куйган максатыгыздан читләшмичә, үзегезгә ышанып, талантыгызны үстерергә язсын. Укытучылар, әти-әниләрегез, остазларыгыз сезгә ярдәм итәргә һәрчак әзер, – диде район башкарма комитеты җитәкчесе урынбасары Римма Гыйльметдинова сәхнәгә күтәрелгән укучыларны котлап.