Изге Рамазан аен уздыру өчен Әгерҗе районына Төркиядән Мәхмәт хәзрәт Төркарслан һәм Хәсән хәзрәт Йылдырым килүе хакында хәбәр иткән идек инде.
Алар күптән түгел Иж-Бубыйда булып кайттылар.
Тарихи авыл белән танышу мәчет бинасында урнашкан музейдан башлана.
Төркия кунакларын шулай ук авыл уртасында торгызылучы Мөхәммәтҗан бай йорты, моннан 120 елдан артык элек төзелгән борынгы мәчет бинасы һәм аларның тарихы белән дә таныштыралар.
Соңыннан алар Габдулла Буби һәм аның әнисе Бәдрелбәнат абыстай, Мөхәммәтҗан бай каберләрен зиярәт кылалар.
Төркия имамнары, 15е көнне Әгерҗе мәчетләрендә Ураза гаете чараларын уздырганнан соң, туган якларына юл тотачаклар.
Дания АБЗАЛИЕВА.