Иж-Бубыйда Сабан туена бүләк җыйдылар

2018 елның 13 июне, чәршәмбе

Элек-электән килгән матур гадәт буенча Иж-Бубый авылы Сабантуйга бүләк җыю традициясенә кушылды.

Мәдәният йорты, мәктәп, авыл тарихы музее хезмәткәрләре, авыл яшьләре, укучыларның бизәлгән тарантаслы атка утырып килүләрен күпләр көтеп алды. Сүз уңаеннан: атны күрше Югары Бубый авылыннан алып кайтканнар. Әлеге авылда кичә генә Семык бәйрәме гөрләде. Күп кенә иж-бубыйлылар бәйрәм кунагы булдылар.

Озакламый күрше авыл халкы Иж-Бубыйга килер. Башка авылларда кебек үк, биредә дә 16 июньдә милли бәйрәмебез шаулап-гөрләп узачак. Сабантуй мәйданнарында очрашканга кадәр, дуслар!  

ЯҢАЛЫКЛАРГА ЯЗЫЛУ
Все материалы сайта доступны по лицензии:
Creative Commons Attribution 4.0 International