Макулатурадан җыелган акчаларны авыр хәлдә калган гаиләләргә тапшыралар

“Өмет“ халыкка социаль хезмәт күрсәтү  үзәге “Макулатура җыеп балаларга булыш!“ игелек акциясе игълан итә.

Акция барышында макулатура тапшырудан җыелган акчалар инвалид бала тәрбияләүче, авыр хәлдә калган гаиләләргә тапшырылачак.

Макулатураны социаль хезмәт күрсәтү үзәгенә (К.Маркс урамы, 11а, элеккеге поликлиника бинасы, 2нче кат) алып килә аласыз. Андый мөмкинлек булмаган очракта (885551)22558, 25333, 21401, 22954 телефоннарына шалтыратуыгыз сорала.