Заводская урамында балалар өчен уен мәйданчыгы барлыкка килде

Заводская урамындагы Л.Айтуганов исемендәге Мәдәният йорты янында кечкенә балалар өчен уен мәйданчыгы барлыкка килде.

• Без кечкенә чакта бу урын ташландык хәлдә иде. Язын-көзен җыелган суларда уйнап пычранып бетә идек. Хәзер барысы да яхшы якка үзгәрде. Киләчәктә дә биредә яшәүчеләрнең тормыш һәм яшәү шартларын уңай якка үзгәртү өчен кулдан килгәннең барысын да эшләрбез, – ди шушы микрорайон депутаты Марсель Шахмин.

Депутат мәйданчыкны урнаштыруда зур ярдәм күрсәткән Валерий Шамшурин җитәкчелегендәге алтын куллы осталарга рәхмәтен җиткерә.

• Киләчәктә биредә эскәмияләр дә куячакбыз. Яшь әниләргә балалары белән ял итү урыны булачак ул, – ди Марсель Шахмин.