Үзебезнең участок вәкиленә тавыш бир

2018 елның 12 сентябре, чәршәмбе

 “Халык участок вәкиле“ Бөтенроссия бәйгесенең муниципаль этабы башланды. Безнең районнан әлеге бәйгегә полиция майоры Айдар Әхмәтшин һәм полиция капитаны Айдар Галиуллин тәкъдим ителде.

Бәйгедә катнашучылар өчен 20 сентябрьгә кадәр интернет аша тавыш бирү сорала. Моның өчен ТР буенча Эчке эшләр министрлыгы сайтына керергә, “халык участок вәкилен сайла“ баннерын табарга һәм үзебезнең участок вәкиле урнаштырылган фото астындагы “тавыш бирергә“ сүзенә басарга кирәк. Ахырда социаль челтәрләрдә авторизация үтү һәм “тавыш бирү“не раслау мөһим.