Урманчылар "Орешник" парк зонасына килделәр

2018 елның 17 сентябре, дүшәмбе

Атна дәвамында Татарстанда Республиканың урман хуҗалыгы министрлыгы оештырган «Урман атнасы» табигать саклау акциясе узды.

Әлеге зур экологик чара кысаларында безнең районда урманчылар көче белән зур урман мәйданнары һәм тирә-юнь территорияләре чүп-чардан чистартылды. Әгерҗедә «Орешник» парк зонасы халык арасында бик популяр. Әмма күп кенә ял итүчеләр чүпләмәгән җирдә генә чиста булуын истән чыгаралар. Монда да Урман хезмәткәрләре капчык белән чүп җыялар.