Татарстанлылар Дәүләт хезмәтләре порталында җирле үзидарә эше турында хәбәр итә ала

2018 елның 2 октябре, сишәмбе

Аноним сораштыру нәтиҗәләре җирле үзидарә органнары эшен яхшырту өчен файдаланылачак.

Татарстан халкына җирле үзидарә органнары эшчәнлегеннән никадәр канәгать булулары турында әйтергә тәкъдим итәләр.

Татарстан Республикасы Дәүләт һәм муниципаль хезмәтләр порталында сораштыру үтәргә мөмкин. Аноним сораштыру нәтиҗәләре җитәкчеләр эшенең сыйфатын объектив бәяләү мөмкинлеген бирә. Мәгълүматлар җирле үзидарә органнары эшен яхшырту өчен файдаланылачак.

• 2018 елның беренче яртыеллыгында Татарстан Дәүләт хезмәтләре порталында сораштыруларда 3200ләп кеше катнашкан.