Татарстан халкы мәгариф һәм ТКХ коррупциясенә зарлана
Татарстан халкы мәгариф һәм ТКХ коррупциясенә аеруча еш зарлана. Бу хакта бүген «Татар-информ» МА биргән интервьюсында ТРда Кеше хокуклары буенча вәкаләтле вәкил Сәрия Сабурская хәбәр итте.
"Халык контроле" дәүләт мәгълүмат системасында төрле өлкәләрдә коррупция күренешләре турында сөйләүче гражданнар үз гаризаларын бирә ала торган аерым категорияләр бар. Быел барлыгы коррупция өлкәсендә 25 гариза керде. Әлеге категориянең модераторы-ТР буенча Эчке эшләр министрлыгы», - дип хәбәр итте ул.
ТКХ өлкәсендә тарифлар проблемасы актуаль. Кешеләр зарлана, чөнки алар артык югары һәм законсыз билгеләнә. Иң киң таралган тема булып мәгариф учреждениеләрендә акча җыю тора. Мәктәпкәчә белем бирү өлкәсендә-дүрт, гомуми белем бирү өлкәсендә – тагын ике мөрәҗәгать керде. ТКХ өлкәсендә дүрт шикаять бирелгән. Өч хәбәр җир белән алыш-бирешләргә кагыла, бер мөрәҗәгать буенча дәүләт сатып алулары һәм сәламәтлек саклау өлкәсе белән бәйле.
"Коррупция проблемалары буенча системага дистәләгән мөрәҗәгать килә. Әйтик, мәгариф учреждениеләрендә, сәламәтлек саклау һәм ТКХ системасында коррупция. Кешеләр мәгариф учреждениеләрендә ата – аналардан акча җыю турында хәбәр итәләр», - диде Татарстан Республикасы омбудсмены.
Сабурская сүзләренә караганда, коррупция күренешләре "Халык контроле"нең башка категорияләренә кергән гаризаларда еш телгә алына. Алар барысы да ТР буенча Эчке эшләр министрлыгына, Татарстан прокуратурасына яки Республикада коррупциягә каршы эшне координацияләү комиссиясенә җибәрелә.
Сорауларның бер өлеше юл хәрәкәте иминлегенә һәм кешеләр, үзләренең хезмәт урыннарыннан файдаланып, юл яки гомуми файдалану өчен йөрү юлын яба, шлагбаумнар билгели торган территорияләрне төзекләндерүгә кагыла.