Дуслар белән бергә күңеллерәк

2018 елның 10 декабре, дүшәмбе

Җиденче декабрь көнне "Ровесник" яшүсмерләр клубында мөмкинлекләре чикләнгән балалар өчен "Дуслар даирәсе - бергә күңел ачулар" дигән чара узды.

"Хыял" халык театрының кече төркеме балалар өчен "Аистенок" әкияте тәкъдим итте. Ә "Зәңгәр кош" отряды волонтерлары гитара астында җырлар башкардылар. Шулай ук балалар өчен мастер-класс әзерләнгән иде. Аны үткәрү вакытында балаларга күләмле кар бөртекләре ясау тәкъдим ителде.

Чара ахырында клуб җитәкчесе Ольга Афанасьева балаларга изге теләкләрен җиткерде һәм татлы бүләкләр тапшырды.