Әгерҗедә төп чыршыны куйдылар

2018 елның 12 декабре, чәршәмбе

Әгерҗенең төп чыршысын без район Мәдәният сарае каршындагы мәйданда күрергә күнеккән идек инде. Быел анда программа кысаларында зур төзекләндерү эшләре алып барыла. Шуңа күрә төп чыршы район хакимияте каршындагы мәйданда урын алды.

Бүген аны әлеге мәйданга урнаштырдылар.

Моннан тыш, яшел урман гүзәлен Л.Айтуганов исемендәге Мәдәният йорты, Боз сарае янына урнаштырачаклар. Шулай ук “Кировское“ һәм “Альфа“ ТОСлары ишегалларында да чыршылар урын алачак.