Тәрбиячеләр һәм әти-әниләр юл йөрү кагыйдәләре буенча осталыкларын күрсәттеләр

2018 елның 14 декабре, җомга

Әлеге чара 8нче балалар бакчасында узды. Педагоглар һәм әти-әниләр “Юл йөрү кагыйдәләре агитбригадасы“ конкурсында сыналдылар.

“Юл билгеләре“, “ПДДыщ“, “Юл-иҗат патруле“ һәм “STOP“ командалары “Визитка“, “Юл йөрү кагыйдәләрен иң яхшы белүчеләр“ бәйгеләрендә осталыкларын күрсәттеләр. Иң кызыклы бирем “Иҗади конкурс“ булды. Юлларда куркынычсызлык кагыйдәләрен саклауны үз эченә алырга тиеш булган әлеге бәйгедә катнашучылар әкият тә күрсәттеләр, биюләр дә башкардылар.

• Иң мөһиме – безнең балалар һәм аларның сәламәтлеге. Аларны кече яшьтән үз үрнәгегездә юлда йөрү кагыйдәләренә өйрәтегез, – дип мөрәҗәгать итте “Юл хәрәкәте куркынычсызлыгы“ учреждениесе начальнигы Раушания Тимкина һәм һәр командага истәлек бүләкләре, Дипломнар тапшырды.