Әгерҗе мәктәбе укучысы – олимпиада призеры

2019 елның 5 феврале, сишәмбе

Казанның “Дуслык” сәламәтләндерү-белем бирү базасында укучылар арасында татар теле буенча олимпиаданың республика йомгаклау этабы уза.

Рус мәктәпләрендәге татар төркемнәре өчен татар теле олимпиадасында 4нче мәктәптән 5 сыйныф укучысы Алсу Хафизова һәм Тирсә мәктәбенең 10 сыйныф укучысы Инзилә Асанбаева катнашты.  Алсу “Призер” статусына лаек булды.  Аны олимпиадага мөгаллимә Фәридә Хафизова әзерләде.