“Водоканал“ ширкәте Кубогы Ижауга китте

2019 елның 19 марты, сишәмбе

“Водоканал“ ширкәте Кубогына узган ярышта Әгерҗе, Ижау, Менделеев һәм Свердлау командалары катнашты.

Юбилей турнирында Ижау командасы җиңү яулады. Әгерҗе – икенче, Свердлау хоккейчылары өченче урынны алдылар.

“Водоканал“ ширкәте җитәкчесе Илдус Шәймөхәммәтов һәм спорт бүлеге начальнигы Илдар Идиятов барлык уенчыларга, аларның тренерларына рәхмәт әйтеп, беренче-өченче урын алган хоккейчыларга медальләр тактылар, һәр команданы чәкчәк белән бүләкләделәр, “Заря” уенчыларына Кубок тапшырдылар.