Әгерҗедә Тимерьюлчылар шәһәре көне кайчан узачак

2019 елның 19 апреле, җомга

2019 ел тимерьюлчылар өчен аеруча истәлекле: локомотив һәм станция 100 еллык юбилейларын каршы ала. Тарихи юбилей елында Тимерьюлчылар шәһәре көне августның беренче шимбәсендә –  3се  көнне зур колач белән узачак.

• Бу көнне бәйрәм чаралары вокзал территориясендәге мәйданда гомерен тимер юл тармагын җәелдерүгә багышлаган барон Николай фон Мекка һәйкәл ачудан башлана. Аннан Гоголь урамында музей төзеләчәк урында беренче таш салу тантанасы була. Стадионда бәйрәм чаралары башланганчы тимер юл предприятиеләре коллективларының парады уза. Бу көнне райондашларыбызны, кунакларны бик күп мәдәни һәм спорт чаралары көтә. Бәйрәм көне, гадәттәгечә, салют белән тәмамланачак, – дип таныштырды район башкарма комитеты җитәкчесе урынбасары Римма Гыйльметдинова.