Әгерҗедә “Мин Тукайны укыйм“ акциясе узды

2019 елның 29 апреле, дүшәмбе

Бөек шагыйрь Габдулла Тукайның тууына 133 ел тулу уңаеннан район үзәк китапханәсе хезмәткәрләре “Мин Тукайны укыйм“ акциясе уздырдылар.

Әгерҗенең үзәк һәм аскы урамнарында халыктан Тукай шигырьләрен укыттылар. 3нче балалар бакчасында бик матур бәйге бара иде. Балалар да, тәрбиячеләр дә акциягә бик теләп кушылдылар. НәниләрТукай шигырьләрен бик матур итеп яттан сөйләделәр. Балаларның һәрберсенә катнашкан өчен сертификатлар тапшырылды.