Кан басымы югары булганнарга кабыклы бәрәңге ашарга кирәк
2019 елның 29 апреле, дүшәмбе
Кан басымы югары булганнарга составында калий, клетчатка һәм С витамины булган продуктлар ашарга киңәш ителә.
Иң яхшысы – чөгендер. Аңарда, санап киткән микроэлементлардан тыш, фосфор, бакыр, кремний, В витамины да бар. Бәрәңге дә калий белән магнийга бай. Аны кабыгы белән пешереп ашарга кирәк. Тозны әз генә сибеп ашарга тырышыгыз.Бадәм чикләвеген (миндаль) даими ашаган кешенең холестерин балансы нормальләшә, кан тамырлары тышчасы сыгылмалы була. Бадәм чикләвегендә Е витамины, калий, магний, клетчатка бар.
Шпинат белән брокколи нерв системасын тынычландыра. Аларны көненә 200 грамм ашау җитә. Брокколида глютамин кислотасы кан басымын төшерергә булыша.
Сельдерей стресс гормоны бүленеп чыгуны киметә. Әлеге гормон кан тамырларын тарайта һәм кан басымын күтәрә.
С витаминына бай булган әфлисун организмнан артык натрийны чыгарырга булыша.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз