Әгерҗе футболчылары янә призлы урыннар яулады
Красноуфимск шәһәрендә балалар командалары арасында футбол буенча ТАССРның 100 еллыгына багышланган ачык турнир булып узды.
Анда Әгерҗе районының яшь футболчылары да чакырылган иде. Балалар-яшүсмерләр спорт мәктәбе тренеры Алексей Колчин шәкертләре, бер генә командага да оттырмыйча, финалга чыктылар.
Беренче урын өчен көрәш кыр хуҗалары белән 0: 0 исәбе белән тәмамланды. Әгерҗе "спутнигы" на кертелгән һәм керттерелгән башлар саны буенча 2 урын бирелде.
– 2005-2006 елларда туган балалар командасында 10 яшьлек малайлар Матвей Мостафин һәм Арсений Кумаев та уйнады,-ди Алексей Владимирович.
Свердловск өлкәсенең физкультура һәм спорт министрлыгы безнең район белән волейбол, баскетбол, бокс, җиңел атлетика, хоккей буенча ярышларда һәм башка спорт төрләре буенча ярышларда катнашу турында килешү төзеде. Шулай булгач, яңа җиңүләр булачак әле!