Әгерҗе машинистлары эстафета поездын иярләде

2020 елның 7 мае, пәнҗешәмбе

Поездны Әгерҗе станциясеннән Юдинога кадәр алып бардылар.

Горький дирекциясенең локомотив бригадасы хезмәткәрләре Бөек Җиңү бәйрәме алдыннан мавыктыргыч тәкъдим белән чыктылар. Алар Җиңүнең 75 еллыгы уңаеннан 9 мең тонналы йөк поездын Красноуфимск станциясеннән Вековка станциясенә кадәр уздырдылар.

Красноуфимск локомотивчыларыннан эстафетаны әгерҗелеләр кабул итеп алдылар. Машинистлар Юрий Ветошкин, Илназ Әхмәтҗанов, Андрей Окишев бригадасы эстафета поездын Әгерҗедән Юдинога кадәр озаттылар. Әлеге составны уздыру өчен бүленгән акча сугыш һәм хезмәт ветераннарына ярдәм фондына күчереләчәк.