"Безнең ишегалды" президент программасы фикер алышуларда 5,5 меңнән артык комментарий җыйды

2020 елның 19 мае, сишәмбе

12 майда "Безнең ишегалды" президент программасы буенча меңнән артык Татарстан ишегалды проекты буенча иҗтимагый фикер алышулар тәмамланды. Республика халкы төзекләндерү схемаларына 5,5 меңнән артык шәрехләр калдырды.

- Проект кысаларында ишегалларын асфальтлау, парковкалар төзү, ишегалды территорияләрен ремонтлау, яшелләндерү, кече архитектура формаларын, уен мәйданчыкларын урнаштыру, заманча яктыртуны оештыру каралган, - дип сөйләде шәһәр башкарма комитеты җитәкчесе Әнвәр Рәхмәтуллин.

Алынган барлык теләкләр муниципалитетларга юнәлтелгән. Эшкәртүдән соң ишегалларын төзекләндерү планнарының финал версияләре dvor.tatar сайтында күрсәтеләчәк.