Мәктәп аттестатларын имтихан бирмичә генә тапшырачаклар
Россия Премьер-министры Михаил Мишустин 2020 елда бердәм дәүләт имтиханы (БДИ) тапшырмыйча мәктәп аттестатларын бирүне һәм вузга укырга керергә теләүчеләр өчен мондый имтихан тапшыру мөмкинлеген раслый торган карарга кул куйды. Бу хакта пәнҗешәмбе көнне Хөкүмәт матбугат хезмәте хәбәр итте.
Шулай итеп, аттестатларны имтихан тапшырмыйча 9 һәм 11 сыйныф укучылары алачак. Хәбәрдә Урта һөнәри белем бирү оешмаларында укуларын дәвам итәргә теләгән чыгарылыш сыйныф укучыларын аттестат нәтиҗәләре буенча укырга керәчәкләр дип аңлатыла. Югары белем алырга теләүчеләр БДИ тапшыралар.
Матбугат хезмәтендә билгеләп үтелгәнчә, мәктәпләр дистанцион режимда укучыларга имтиханнарга әзерләнүдә ярдәм итәчәк.
Мәгариф һәм фән министрлыгы һәм мәгариф өлкәсендә күзәтчелек буенча Федераль хезмәткә 15 июньгә кадәр үз норматив актларын карарга туры китерергә тиеш булачак. Министрлар Кабинетында билгеләп үтелгәнчә, 2020 елда чыгарылыш сыйныф укучыларын аттестацияләү һәм БДИ тапшыру тәртибе пандемиясе аркасында төзәтмәләр педагогларны һәм укучыларны сакларга мөмкинлек бирәчәк.
РФ Президенты Владимир Путин 21 май көнне мәгариф өлкәсендәге вәзгыять буенча киңәшмәдә укучыларга аттестатлар имтихансыз биреләчәк, ә БДИны вузларга укырга керергә теләгән чыгарылыш сыйныф укучылары гына тапшырачак, дип игълан итте. Ул ул чакта мондый карарның вакытлыча характерга ия булуын ассызыклады.
8 июньдә Мишустин хәбәр иткәнчә, 2020 елда БДИны Россия мәктәпләрен тәмамлаучы 736 меңнән артык укучы тапшырырга планлаштыра, алар вузларга укырга керергә ниятли. Аның сүзләренә караганда, 29-30 июнь көннәрендә системаның техник җайга салынуын тикшерү өчен мәктәп укучылары катнашыннан башка сынау имтиханнары узачак, төп имтихан чоры 3-23 июль көннәрендә узачак, ә 24-25 июль көннәрендә бер көндә ике имтихан тапшыручылар өчен резервлана. Моннан тыш, җитди сәбәпләр аркасында июль аенда БДИ тапшыра алмаган укучылар имтиханнарны август аенда тапшыра алачак.