Әлфия Когогина эшсез гражданнарга ярдәм итү мәсьәләләре буенча киңәшмә үткәрде
Дәүләт Думасы депутаты Әлфия Когогина Чаллы бермандатлы округында халыкны эш белән тәэмин итү үзәкләре җитәкчеләре белән онлайн режимында киңәшмә үткәрде. Төп тема эшсез гражданнарга ярдәм итү чараларын гамәлгә ашыру булды. «Икътисадый төшү шартларында гражданнарның керемнәрен саклау - иң мөһим дәүләт бурычларының берсе. Пандемия аркасында эшен югалткан гражданнар саны арту дәүләт ярдәменең өстәмә чараларын таләп итте, һәм алар Россия Президенты Владимир Путин йөкләмәсе буенча моңарчы күрелмәгән масштабта гамәлгә ашырылды ", - дип шәрехләде Когогина. Хөкүмәтнең 2020елның 10 июнендәге 844 номерлы карары белән Россиядә эшсезлек буенча пособие билгеләү һәм түләү кагыйдәләренә 2020 елның май-июль айларында эшсезлек буенча минималь пособие күләмен 4500 сумга кадәр (элегрәк - 1500 сум) арттыру кебек үзгәрешләр кертелде. Шулай ук эшсез ата-аналарның берсе гаиләдә эштән азат ителү датасына бәйсез рәвештә һәр балигъ булмаган балага 3000 сум алачак.