«Татар Кызы-2020» конкурсының финалында Әгерҗе районында яшәүче хатын-кызлар катнашачак
«Татар Кызы-2020» конкурсының финалы 2 августта Ижауда узачак. Бу көнне жюри каршында берничә сайлап алу этабын узган 8 кыз чыгыш ясаячак. Алар арасында Әгерҗе районыннан Гүзәл Галиуллина һәм Рүзилә Акбашева да бар.
Рүзилә Әгерҗедә туып-үскән, 4 нче мәктәпне тәмамлаган. Хәзерге вакытта Ижауда Самара дәүләт университеты филиалында укый. Гүзәл Галиуллина - Кучуководан, Удмурт дәүләт университеты студенты.
Катнашучылар бер-берсе белән гүзәллектә, грациядә, сөйкемлелектә генә түгел, туган телне, мәдәниятне һәм гореф-гадәтләрне белүдә дә ярышачак. Конкурста җиңүчеләрне кыйммәтле призлар көтә.
Шулай ук быел беренче мәртәбә нәниләр арасында «Нэни Асылташ» - «Кыйммәтле ташлар» бәйгесе үткәрелә. Җиңүче титулы өчен алты кыз көрәшәчәк.
Исегезгә төшерәбез, апрель башына билгеләнгән бәйгеләрнең финал этапларын чикләү чаралары аркасында күчерергә туры килде.