Әлфия Когогина: Әгәр кешеләр бушлай прививка ясатырга теләсәләр, аларның аны җайлы җирдә ясарга мөмкинлеге булырга тиеш.
Дәүләт Думасы соңгы өченче укылышта гражданнар профилактик прививка ясаячак медицина оешмалары исемлеген киңәйтүче закон кабул итте.
Закон проекты Дәүләт Думасы депутаты, Икътисади сәясәт, сәнәгать, инновацион үсеш һәм эшкуарлык комитеты рәисе урынбасары Әлфия Когогина: «Закон проекты медицина ярдәменең сыйфатын һәм мөмкинлеген күтәрүгә юнәлдерелгән: вакцинациянең милли календарена кертелгән теләсә нинди бушлай прививканы дәүләт клиникасында да, мәҗбүри медицина иминияте системасында эшләүче шәхси клиникада да да эшләргә мөмкин булачак. Әлеге законны кабул итү гражданнарга алар өчен гадәти һәм уңайлы медицина учреждениесендә, алар ышанган белгечтән прививка ясарга мөмкинлек бирәчәк. Ә медицина хезмәтләре алу мөмкинлегенә тулаем сәламәтлек саклауның сыйфаты бәйле".
Поликлиникаларны һәм клиникаларны вакциналар белән хакимият органнары тәэмин итәчәк: милли календарь буенча прививкалар - федераль, эпидемия күрсәткечләре буенча профилактик прививкалар календаре буенча - төбәк органнары.
Документ "Йогышлы авыруларны иммунопрофилактикалау турында" ФЗ га профилактик прививкалар түләүсез уздыручы медицина оешмалары исемлеген киңәйтү өлешендә төзәтмәләр кертә. Канун рәсми басылып чыккан көненнән соң 90 көн узгач үз көченә керә.