Әгерҗедә чыгарылыш кичәләре узды

2021 елның 30 июне, чәршәмбе

29 июньдә Әгерҗедә унберенче сыйныфны тәмамлаучыларны хөрмәтләделәр. Балалар бу көнгә озак 11 ел буе бардылар. Белем тупладылар, төрле конкурсларда һәм олимпиадаларда катнаштылар, БДИ тапшырдылар. Һәм менә көтелгән нәтиҗә - чыгарылыш балы.

Балаларны бу истәлекле көн белән район башлыгы Азат Вәлиев, мәгариф идарәсе начальнигы Вәсилә Сафиуллина, ата-аналар, укытучылар, дуслары һәм якыннары котлады. Бәйрәмдә традиция буенча медалистларга һәм аларның ата-аналарына лаеклы бүләкләр тапшырылды, фәнни-гамәли конференцияләрдә һәм олимпиадаларда җиңүчеләрне, спортчыларны һәм активистларны хөрмәтләделәр. Исегезгә төшерәбез, быел мәктәпне алтын медаль белән 16 укучы тәмамлады.

Чара традицион вальс, әти-әниләрнең креатив чыгышы, дәртле флешмоб белән бергә үрелеп барды. Соңыннан балалар күңелле җыр җырладылар һәм аларны мәктәп чыгарылыш кичәләренә озаттылар.

Тулырак: http://agryz-rt.ru/news/yashaesh/gered-chygarylysh-kichlre-uzdy

ЯҢАЛЫКЛАРГА ЯЗЫЛУ
Все материалы сайта доступны по лицензии:
Creative Commons Attribution 4.0 International