Исәнбай егетләре армиядән кайтты

2021 елның 8 июле, пәнҗешәмбе

Узган елның җәендә армия сафларына алынган Рушан Хәбиров һәм Адель Рәшитов, кичә хезмәт бурычларын үтәп, туган авыллары – Исәнбайга кайттылар.

Рушан Мәскәү өлкәсендә хезмәт иткән, Адель хезмәт бурычын Красноярск краенда үтәгән. Икесе бер көнне армиягә алынган дус егетләр туган якларга да бер көнне кайттылар. Аларны әти-әниләре, барлык туганнары, дуслары каршы алдылар.

Ә кичен Мәдәният йортында солдат егетләр белән бик матур очрашу узды. Алар армия хезмәте турында сөйләделәр, котлаулар кабул иттеләр.

Тулырак: http://agryz-rt.ru/news/yashaesh/isnbay-egetlre-armiyadn-kaytty