Әгерҗедә үзәк урамны төзекләндерүнең өченче чираты тормышка ашырылачак
2021 елда Әгерҗедә Карл Маркс үзәк урамын төзекләндерүнең өченче чираты гамәлгә ашырылачак. Бу хакта "ТР шәһәрләре үсеше институты" Фондына сылтама белән "Татар-информ" мәгълүмат агентлыгы хәбәр итә.
Исегезгә төшерәбез, эшләр Татарстанның иҗтимагый киңлекләрен үстерү программасы һәм «Торак һәм шәһәр мохите» милли проекты буенча башкарылачак. Проектны эшләү белән "Архитектур десанты" бюросы шөгыльләнгән. Үзәк урамны караганда архитекторлар дизайн-кодның булмавын, рәсмиләштерүнең бердәм регламентының булмавын, шулай ук фасадларның хаотик ясалышын күрделәр.
Үзәк урамда керү зонасы, балалар мәйданчыгы, чәчәк түтәлле табигый зона җиһазландырылачак дип планлаштырыла. Проектны төзегәндә архитекторлар берничә төп принципка таянган. Аларның берсе - халыкны шәһәрнең социаль һәм мәдәни тормышына җәлеп итү.
Исегезгә төшерәбез, быел Әгерҗе районы Бөтенроссия конкурсында кече шәһәрләрдә һәм тарихи җирлекләрдә уңайлы шәһәр тирәлеге булдыру буенча иң яхшы проектлар конкурсында катнаша. Нәтиҗәләр бу елның август яисә сентябрь айларында билгеле булачак. 2022 һәм 2023 елларда җиңү очрагында Карл Маркс урамын реконструкцияләүнең дүртенче чираты гамәлгә ашырылачак.
Фондта шулай ук урамның өченче чираты теләсә кайсы очракта төзекләндереләчәк, ә дүртенчесе конкурс нәтиҗәләренә бәйле, дип билгеләделәр.
Төгәлрәк: http://agryz-rt.ru/news/nasha-zhizn/v-agryze-budet-realizovana-tretya-ochered-blagoustroystva-tsentralnoy-ulitsy