«Россия югары социаль нәтиҗәлелек оешмасы» Бөтенроссия конкурсы
Ел саен Россия Федерациясендә «Югары социаль нәтиҗәлелек Россия оешмасы» (алга таба - Конкурс) бөтенроссия конкурсы уздырыла. Конкурсның төп бурычы - социаль бурычларны хәл итүдә югары социаль нәтиҗәлелеккә ирешкән оешмаларны ачыклау, аларның тәҗрибәсен өйрәнү һәм тарату, оешмаларда социаль партнерлык формаларын үстерү.
Конкурста, милек рәвешләренә һәм нинди тармак булуына карамастан, Россия Федерациясендә теркәлгән оешмалар катнаша ала. Конкурс социаль мәсьәләләрне хәл итүгә игътибарны җәлеп итү һәм әлеге эшнең югары нәтиҗәлелегенә ирешүче иң яхшы оешмалар (конкурс җиңүчеләре) мисалында күрсәтү, бу өлкәдә булган уңай тәҗрибәне киң тарату һәм бүләкләү максатларында уздырыла.
Конкурсның региональ һәм федераль этапларында катнашу бушлай гамәлгә ашырыла. 2021 елда
Конкурс 15 номинация буенча уздырыла.
Татарстан Республикасы Министрлар Кабинетының 02.04.2010 № 519-р күрсәтмәсе нигезендә Татарстан Республикасында конкурсның региональ этабын оештыру һәм үткәрү буенча вәкаләтле орган - Татарстан Республикасы Хезмәт, халыкны эш белән тәэмин итү һәм социаль яклау министрлыгы.
Конкурста катнашуга гаризалар Татарстан Республикасы Хезмәт, халыкны эш белән тәэмин итү һәм социаль яклау министрлыгы тарафыннан 2021 елның 15 августына кадәр кабул ителә.
Мәгълүмат материаллары Татарстан Республикасы Хезмәт, халыкны эш белән тәэмин итү һәм социаль яклау министрлыгы сайтында түбәндәге адрес буенча урнаштырылган: https://mtsz.tatarstan.ru/vserossiyskiy-konkurs-rossiyskaya-organizatsiya-5285989.htm?page=1