Росреестр җитәкчесе һәм Татарстан Президенты ЕИР булдыру буенча экспериментның беренчел нәтиҗәләре турында фикер алышты
Росреестр җитәкчесе Олег Скуфинский Татарстан Республикасы Президенты Рөстәм Миңнеханов белән очрашты. Киңәшмә Татарстан Республикасы Хөкүмәте Йортында узды.
Очрашу барышында ведомство башлыгы җир һәм күчемсез милек турында Бердәм мәгълүмат ресурсының тест контурларын (ЕИР) тәкъдим итте, аны булдыру буенча эксперимент 2021 елда дүрт пилот регионда, шул исәптән Татарстан Республикасында, РФ Хөкүмәте йөкләмәсе буенча уздырыла.
Проект дәүләт һәм муниципаль хакимият органнарының мәгълүмат системаларындагы аерымланган ресурсларны берләштерергә, аларны системалаштырырга һәм кабатламаска тиеш. Моның хисабына җир һәм күчемсез милек турында актуаль мәгълүматны эзләү кешеләр өчен җиңелрәк һәм арзанрак булачак, идарә карарларының нәтиҗәлелеге, мәгълүматларның тулылыгы һәм төгәллеге артачак, яңа уңайлы сервислар булдырылачак. Экспериментта хакимиятнең 10 федераль органы, "Роскосмос" дәүләт корпорациясе, шулай ук субъектларның башкарма хакимияте органнары катнаша.
«Татарстан Республикасы командасының 2021 елның гыйнварыннан башлап катнашуы аркасында без пилот регионнарда территориаль зоналарның БДКМРна кертү буенча динамиканы 97%ка арттырдык; кадастр бәясеннән башка объектлар санын 94%ка кыскарттык; җир турында мәгълүматлар фондының 100%ын цифрлаштырдык; 1:25 000 масштабында бөтен эксперимент территориясенә 100%ка картографик нигез төзедек; сынау торак пунктларында - 1:2 000 масштабында. Шулай ук проект безгә алдынгы технологияләрне сынап карарга һәм кешеләр һәм бизнес мәнфәгатьләрендә яңа сервисларны проектларга мөмкинлек бирде. ЕИР булдыру кысаларында без геокодлаштыру технологияләрен, 3D-модельләштерү, территориянең икътисадый потенциалын бәяләү һәм теркәлмәгән капиталь төзелеш объектларын идентификацияләү технологияләрен тестлаштырабыз ", - дип хәбәр итте Олег Скуфинский.
Тәкъдир итү барышында Татарстан Президенты әйләнешкә җәлеп итү өчен яраклы җирләр, шулай ук гражданнар һәм бизнес өчен яңа сервислар турында мәгълүмат белән танышты.
«Татарстан Республикасы динамик рәвештә үсә торган регион, халык саны буенча илдә сигезенче һәм торак төзелеше күләме буенча дүртенче регион. Бердәм мәгълүмат ресурсында муниципалитет җирләре, алардан файдаланганда мөмкинлекләр турында барлык мәгълүмат чагылыш табачак. Бу халыкка да, инвесторларга да уңайлы. 2022 елда платформага республиканың башка шәһәрләре һәм районнары кушылыр дип өметләнәбез», - дип хәбәр итте Рөстәм Миңнеханов.
ММЧ өчен элемтәләр
Татарстан Росреестры матбугат хезмәте
255-25-80 - Галиуллина Галина