Әлфия Когогина: Газ килү белән авылларның тормышын яхшы якка үзгәртәсез, ә гаилә бюджетын җитди ота
Социаль газлаштыруның яңа кагыйдәләре РФ Хөкүмәте карары белән расланды.
Дәүләт Думасы тарафыннан, Президент Юлламасын үтәү йөзеннән, элегрәк, газүткәргечләр янында урнашкан йортларны газга тоташтыру мөмкинлеген күздә тоткан закон кабул ителде.
Дәүләт Думасы депутаты, Кече һәм урта эшмәкәрлек комитеты рәисенең беренче урынбасары Әлфия Когогина болай дип шәрехләде: «Газны дәүләт хисабына шәхси, гаилә, коммерция максатларында кулланмаучыларга бирәләр. Закон газны торак пунктка салынган газ торбасыннан турыдан-туры йорт биләмәләре чикләренә кадәр чыгару проблемасын хәл итә».
Республикабызда әлеге социаль әһәмияткә ия проектны тормышка ашыруны контрольдә тотам. Төзелеш темпларын, җирлекләрнең чикләрен киңәйтүне, яңа микрорайоннар барлыкка килүне исәпкә алып, Татарстанда газга ихтыяҗ арта. Элек без бу мәсьәлә буенча «Газпром трансгаз Казан» ҖЧҖ һәм Татарстан Республикасы Сәнәгать һәм сәүдә министрлыгы җитәкчелеге белән берничә киңәшмә һәм эшлекле очрашу уздырдык. Газ килү белән авылларның тормышын яхшы якка үзгәртәсез, ә гаилә бюджеты җитди ота ", - дип билгеләде парламентарий.
Программада катнашучы булып, гаризаны Дәүләт хезмәтләре порталы аша яисә күпфункцияле үзәккә барып, онлайн гариза биреп була. Заявкалар газны магистраль газүткәргечтән участок чигенә кадәр җиткерүнең бөтен процессы өчен җавап бирүче бердәм операторга җибәрелә. Закон нигезендә бу "Газпром".