Кече торак пунктларны югары тизлекле мобиль Интернетка тоташтыруга Бөтенроссия тавыш бирүенең икенче этабы башланды
Татарстан Республикасы дәүләт идарәсен циффрлы үстерү, мәгълүмати технологияләр һәм элемтә министрлыгы хәбәр итә: Россия Федерациясе дәүләт һәм муниципаль хезмәтләрнең (функцияләренең) бердәм порталында кече торак пунктларны югары тизлекле мобиль Интернетка тоташтыруга Бөтенроссия тавыш бирүенең 2023 елда икенче этабы старт алды. Тавыш бирүдә 100 дән 500 кешегә кадәр булган барлык торак пунктлар катнаша, республика халкы Россия Федерациясе субъектында урнашкан бер торак пункт өчен тавыш бирә ала. Тавыш бирүдә катнашу өчен сылтама буенча күчәргә кирәк: https://www.gosuslugi.ru/inet, тавыш бирү 2022 елның 12 ноябренә кадәр дәвам итәчәк.
Программаны гамәлгә ашыруның беренче этабы буенча тавыш бирү 2021 ел ахырында Россия Федерациясе дәүләт һәм муниципаль хезмәтләренең (функцияләренең) бердәм порталында уздырылды. Тавыш бирү нәтиҗәләре буенча 2023 елның 31 мартына кадәр мобиль элемтәнең база станцияләре урнаштырылачак торак пунктлар исемлеге формалаштырылган.
Хәзерге вакытта уздырыла торган тавыш бирү нәтиҗәләре буенча Татарстан Республикасының 55 торак пункты билгеләнәчәк, аларда 2023 елда югары тизлекле интернетка мобиль керү мөмкинлеге тәэмин ителәчәк. Тавыш бирү нәтиҗәләре һәм йомгаклау исемлеге порталда урнаштырылачак gosuslugi.ru 2022 елның 26 декабрендә.