Әгерҗе районында Ленар Нургаянов билгеләнде
Ленар Нургаянов Әгерҗе районы башкарма комитеты җитәкчесенең икътисадый мәсьәләләр буенча урынбасары итеп билгеләнде. Бу хакта ТР Әгерҗе муниципаль районы Советы һәм Әгерҗе районы "Әгерҗе шәһәре" муниципаль берәмлегенең уртак утырышында билгеле булды.
Анда Татарстан Республикасы Дәүләт Советы Рәисе Фәрит Мөхәммәтшин катнаша.
Исегезгә төшерәбез, кадрлар үзгәреше районның элеккеге башлыгы Азат Вәлиевның үз теләге белән отставкага китүе белән бәйле, бу хакта шушы көннәрдә генә билгеле булды.
Ленар Нургаянов 1985 елның 9 июнендә Әгерҗе районы Терси авылында туган. Ижау авыл хуҗалыгы академиясен тәмамлый. 2020 елның ноябреннән Әгерҗедә билгеләнгәнче Алабуга районы башкарма комитеты җитәкчесе вазыйфасын башкара. Элегрәк авыл хуҗалыгында зур тәҗрибә туплаган, Әгерҗе районының эре аграр предприятиеләрен җитәкләгән. Күп бүләкләргә, шул исәптән Татарстан Президентының Мактау грамотасына, Татарстан Республикасы Авыл хуҗалыгы һәм азык-төлек министрлыгының Мактау грамотасына һәм башкаларга да лаек булды.
Фото: http://elabuga-rt.ru