Авыл халкы өчен иң кирәкле Почта
Почта ишекләре ябылмады диярлек.
"Кайбер районнарда почта бүлекчәләре ябылганын ишеткәч, аптырап калабыз. Ничек була ала бу?! Чөнки почта - авыл халкы өчен иң кирәкле, иң яраткан урын”, - ди Салагыш почта бүлекчәсе начальнигы Нәсимә АХМЕТЗЯНОВА.
Почта элемтәсенең теләсә кайсы бүлегендә булганда, бу хакыйкать раслана. 2023 елның беренче яртыеллыгына район газетасына язылуны лаеклы оештырган Нәсимә Хаҗиәхмәтованың редакция бүләген тапшырыр өчен Салагышта булганда, аның белән тыныч кына сөйләшә алмадык. Почтага халык килә иде.
Шуңа күрә бу очрашу турында алдан ук сөйләштек, безнең әңгәмә дә 15 минуттан артык дәвам итмәде. Чөнки почта ишекләре ябылмаган диярлек. Салагышлылар әледән-әле бирегә үзләренең кирәк-яраклары белән килеп керделәр.
Эш сәгатендә кечкенә генә бүлмә умарта күчен хәтерләтә. Кемдер вакытлы басмаларга языла, кемдер ут, газ, телефон өчен түли, ә кемгәдер көндәлек ихтыяҗ товарларын сатып алырга кирәк. Нәсимә ханым барысына да хезмәт күрсәтә. Эш көне никадәр генә киеренке һәм борчулы булмасын, ул беркайчан да кыяфәт күрсәтми. Һәрвакыт елмаючан һәм ягымлы.
Бик күп еллар Салагыш авыл җирлегендә хисапчы булып эшләгән Нәсимә Хаҗиәхмәтовна почта бүлекчәсендә унөч ел эшли инде.
- Ул вакытта почта компьютер системасына күчә башлады. Бухгалтерлык тәҗрибәсе дә ярдәм итте, укыту кыен булмады, - ди Нәсимә ханым.
Тузга язмаган МАТЕРИАЛ КҮРСӘТКЕЧЕ. ЯҢА 18ендә 2023 елның 12 мартында