Әлфия Когогина Әгерҗедәге реконструкция һәм капиталь ремонт эшләре “тәэсирле” дип атады
РФ Дәүләт Думасы депутаты Әгерҗе районында булды
РФ Дәүләт Думасы депутаты Әлфия Когогина Әгерҗедә реконструкция һәм капиталь ремонт масштабларын "тәэсирле" дип атады. Бу хакта ул үзенең телеграм-каналында хәбәр итте.
"Парламент контроле кысаларында федераль һәм республика бюджетларыннан Әгерҗе районында төзелеш эшләренең барышы белән танышты.
Төзекләндерү һәм капиталь ремонт масштабы зур. Бу - җылылык һәм кайнар су белән тәэмин итү челтәрләрен яңарту, район хастаханәсе стационары бинасының түбәсен һәм подвалларын ремонтлау, агросәнәгать көллияте тулай торагын капиталь ремонтлау эшләре.
Бюджет акчалары бу максатларга шактый акча бүлеп бирелә, әмма бу масштаблы эшләрнең беренче этабы гына, аларны киләсе елларда да дәвам итәргә кирәк булачак. Һәм, әлбәттә, һәр бюджет сумы чыгымнарының нәтиҗәлелеге даими контрольдә булырга тиеш", - дип билгеләде парламентарий.
Исегезгә төшерәбез, 3 июльдә РФ Дәүләт Думасы депутаты Әлфия Когогина Әгерҗе районында булды. Эш сәфәре барышында сәламәтлек саклау системасын үстерү, мәгариф учреждениеләрен капиталь ремонтлау, спорт мәйданчыкларын төзү, шулай ук ТКХ системаларын модернизацияләү мәсьәләләре буенча фикер алыштылар.
Район җитәкчесе Ленар Нургаянов белән Әлфия Гомәр кызы үзәк район хастаханәсендә булды, анда өлешчә капиталь ремонт бара, һәм балалар бүлегенең медперсоналы белән аралашты.
Парламентарий Әгерҗе районы җитәкчелегенең принципиаль позициясен хуплады:
«Әгерҗе шәһәрендә хезмәт сөючән кешеләр яши. Аларның үз сәламәтлекләре турында белеп һәм нәтиҗәле кайгырта алуы мөһим”, - диде ул.
Аннары мәгариф системасын үстерү, мәгариф учреждениеләрен капиталь ремонтлау мәсьәләләре каралды. Түбән Кама агросәнәгать көллияте филиалы тулай торагы бинасында капиталь ремонт эшләренең барышын карап, Әлфия Когогина, моның белән бергә производствода кадрлар белән тәэмин итүнең актуаль бурычы хәл ителәчәгенә ышаныч белдерде.
"Ышанам ки, күбрәк бала белем ала һәм, студентлыкка дәүләт ярдәменең барлык чараларыннан файдаланып, үз потенциалын максималь рәвештә тормышка ашыра алачак - тулай торакта яшәү дә, стипендияләр, субсидияләр, грантларның тулы бер спектры да", - дип теләде парламентарий.
Визит барышында депутат Ленар Нургаянов белән гражданнарны кабул итте.