Бүген Әгерҗедә Гаилә, мәхәббәт һәм тугрылык көне билгеләп үтелде

Июльдә россиялеләр Гаилә, мәхәббәт һәм тугрылык көнен билгеләп үтә

Гаилә, мәхәббәт һәм тугрылык көненә карата чаралар Әгерҗедә 7 июльдә үк старт алды. Бу көнне чаралар вокзал яны мәйданында узды. Ләбиб Айтуганов исемендәге ДК коллективы, РЖД (Ижевск) профсоюзы ярдәме белән, халык һәм кунаклар алдында концерт һәм иҗат номерлары белән чыгыш ясады. 

Бәйрәмнең рәсми өлеше Әгерҗедә бүген - 8 июльдә 11.00 сәгатьтә район мәдәният йорты янында узды. Үзәк мәйданда бәйрәм концерты булды.

Программада шулай ук викториналар, уен программасы һәм фотокүргәзмә дә бар иде.

Шул ук көнне 17:30дан “Яшьлек” скверында халык актив яшьләр оештырган чараларга кушыла алды. Алар квест-уеннар, буяулар фестивале, гаилә дискотекасы һәм ачык һавада "Орлёнка легендасы" фильмын күрсәтү әзерләде. Сүз уңаеннан, чаралар (дискотекалар, фильмнар, мультфильмнар күрсәтү, концертлар, уку заллары һәм күргәзмәләр атна саен Әгерҗе паркында һәм скверларында булачак).

Исегезгә төшерәбез, 8 июльдә Россиядә Гаилә, мәхәббәт һәм тугрылык көне билгеләп үтелә. Ул бит изге Петр һәм Феврония Муромскийлар көне, алар никах дине, игелек һәм гаилә бәхете идеалы булып санала.

0+