Тимер юл хастаханәсе ачылуга 95 ел тулды

Бүген безнең поликлиника ике бинаны берләштерә: өлкән поликлиниканы һәм көндезге стационарны.

1978 елның 15 июлендә “Җиңү юлы” район газетасында “Тимерюлчыларның сәламәтлеген саклау” дигән исем астында әлеге учреждениенең 50 еллыгы уңаеннан зур материал урнаштырылган иде. Басма авторы булып тимер юл хастаханәсенең баш табибы Е. Кириллова тора.

«Башта хастаханәдә 75 урын булса, хәзерге вакытта аларның саны өч тапкырга артты. Хәзер безнең бала тудыру, хирургия, терапевтик, балалар, йогышлы бүлекчәләребез бар. Күп санлы кабинетлы зур поликлиника эшли. Ул ел саен 150 меңгә якын кешегә хезмәт күрсәтә. 30-40 мең бала балалар поликлиникасына йөри. 50 ел эчендә медицина хезмәте күрсәтү торышын анализласак, зур казанышлар күренә. Дәвалау эшендә махсуслашу нәтиҗәсендә профилактика, диагностика шактый яхшырды, дәвалау сыйфаты артты. Хәзерге вакытта безнең хастаханәдә 74 табиб эшләргә тиеш. Тулы булмаган штат аркасында күп кенә табибларга арттырылган йөкләнеш белән эшләргә туры килә. Ел саен без үз сафыбызга яшь табибларны кабул итәбез. Безнең коллектив медицина хезмәткәрләре алдына куелган бурычларның мөһимлеген яхшы аңлый һәм аларны гамәлгә ашыру өчен бөтен көчен бирә ", - диелә мәкаләдә.

Бу материал басылганнан бирле 45 ел үтте инде. Бу чорда узел хастаханәсе дә күп үзгәрешләр кичерде. 2009 елда Әгерҗе станциясендә хастаханә Ижауда район хастаханәсенә тоташа. Бүген ул аның структур бүлекчәсе булып тора. 
Бүлекчәгә поликлиника, көндезге стационар, ярдәмчел хезмәтләр, рейс алдыннан карау пунктлары, Әгерҗедә һәм Яңавылда урнашкан вокзалның ике медицина пункты керә. 

Поликлиниканың бүгенге эшчәнлеге турында без терапия бүлеге мөдире-кардиолог, профпатолог Андрей РУССКИХ белән сөйләштек. Андрей Владимирович - поликлиниканың иң тәҗрибәле табибларының берсе. 2008 елда ул монда участок терапевты булып эшләргә килгән. Ә 2015 елдан бүлек мөдире булып тора.

Андрей Владимирович, поликлиниканың бүгенге эшчәнлеге турында сөйләгез.

- Бүген безнең поликлиника ике бинаны берләштерә: өлкән поликлиниканы һәм көндезге стационарны. Май аеннан бүлекчә белән Данис Шәймуллин җитәкчелек итә.
Өлкән поликлиниканың терапия бүлеге һәм хирург, невролог, гинеколог, ЛОР, офтальмолог, дерматовенеролог кабинетлары бар.

Һәр кабинетта үз эшенең осталары эшли: отоларинголог Андрей Белов, невролог Лилия Гобәйдуллина, гинеколог Людмила Ардашева, офтальмолог Эльвира Зарипова, эндокринолог Светлана Шаймуллина, дерматовенолог Алексей Бушков, рентгенолог-эндоскопист Виктор Самарин, лаборатория диагностикасы табибы Лилия Рамазанова. 

Сүз уңаеннан, күптән түгел безгә яшь окулист Эльвира Фәйзуллина кушылды. Тәҗрибәле табиб Эльвира Анваровна җитәкчелегендә эш аңа файдага гына барыр дип өметләнәбез.

Шулай ук бездә стоматолог-терапевт Галина Константинова һәм теш табибы Әлфия Арасланова эшли торган үз стоматология хезмәте дә бар. 
УЗИ-диагностика кабинеты белән табиб Валерий Басов, функциональ диагностика кабинеты - Зөлфия Нәбиева җитәкчелек итә. Гомумән, безнең хезмәттәшләребездән кемне генә алсак та, алар тәҗрибәле докторлар.

Тимер юл предприятиеләре хезмәткәрләренең сәламәтлеген тикшереп торучы өч цех участогы медицина хезмәткәрләре карамагында. Мәсәлән, беренче цех участогы терапевты Чулпан Хөснетдинова ТЧЭ-15 локомотив депосына хезмәт күрсәтә. Икенче цех участогы табибы Светлана Ложкина карамагында - вагон депосы, станцияләр һәм башка пердприятияләр тимер юлчылары. Өченче цех участогы табибы Елена Самарина ЭЧ-8, ШЧ-12, Локотех-Сервис предприятиеләрендә эшләүче тимер юлчыларның сәламәтлеге өчен җавап бирә.

Безнең төп бурыч үзгәрешсез кала - поездлар хәрәкәте иминлеген тәэмин итү. Ә бу тимер юлчыларның сәламәтлеге белән турыдан-туры бәйле. Шуңа күрә эшкә керер алдыннан һәм эш вакытында үткәрелә торган медицина тикшерүләренә таләпләр бик югары. Без шулай ук локомотив бригадаларны, тимер юлда эшләүче башка һөнәр хезмәткәрләрен, диспансер карауларын үткәрәбез. Өстәмә медицина тикшерүләре уздыру кирәк булган очракта, шул исәптән стационар дәвалануны да аларны Ижауда, Түбән Новгородта, Муромеда, Мәскәүдә һәм башка тимер юл хастаханәләренә җибәрәбез.

Төгәлрәк безнең газетаның 28 номерында укыгыз