Әгерҗедә яңа җылыту сезонына әзерлек дәвам итә
Бу хакта район матбугат хезмәте хәбәр итә
Бу эштә Әгерҗе шәһәрендә «ТатАИСЭнерго» ҖЧҖ вәкилләре белән берлектә җылылык белән тәэмин итү системасында технологик процессларны проектлау, автоматлаштырылган мәгълүмат-үлчәү системасын гамәлгә кертү юлы белән үзәкләштерелгән диспетчерлык пунктын булдыру максатыннан, К.Маркс 3а урамы адресы буенча урнашкан зур экранга чыгару юлы белән технологик процессларны автоматлаштыру эше алып барыла, дип хәбәр итә район матбугат хезмәте.
Шулай ук район үзәк хастаханәсендә "Татэнерго" белгечләре тарафыннан электр җиһазларын изоляцияләү буенча эш алып барыла.
5а Чапаев урамындагы котельныйда, 10 августка кадәр булачак яңа казаннар урнаштыру өчен, түшәмнең эчке бизәлеше һәм түбә сүтеп эшли башлады. Бу котельный өчен кирәкле барлык материаллар, шул исәптән насос һәм җылылык алмашучылар алынган. 14 августка Яр Чаллы ТЭЦ бригадасы килү планлаштырыла.
Әлеге эшләрне якынча төгәлләү срогы - 24 август.
Җылыту сезонына әзерлек эшләре авыл җирлекләрендә дә бара. Әйтик, 7 августта Салагыш урта мәктәбендә һәм Кучук мәдәният йортында төтенне һәм вентукалны торгызу эшләре үткәрелде. Котельныйлар эшкә керешергә әзер. Яңавыл мәдәният йортында төтенне тулысынча сүтеп, нигезен томалап, төтен торбалары куелган. Әлеге котельный буенча яктырту лампалары куелган электр үткәргечләрен алыштыру, сүнеп баручы газ клапанын алыштыру эшләрен башкарырга кирәк.
Эшләр 20 августка, материаллар кергән саен, МУП белгечләре тарафыннан башкарылачак, дип хәбәр ителә.