Әгерҗедә К.Маркс урамын төзекләндерү эшләре кызган чорда
Бүгенге көндә монда төп көчләр күчерелгән
Шәһәрдә үзәк юлны капиталь төзекләндерү эшләре июль уртасында башланды.
"Бүген монда төп көчләр күчерелде. Эшләрнең күп өлешен август ахырына төгәлләү бурычын куябыз, - ди “Брус” юл предприятиесенең Әгерҗе участогы җитәкчесе Минсәт Мәһдиев.
Узган ел К.Маркс урамындагы юлның бер өлеше (Иж-Бубый ягыннан шәһәргә керүдән) ремонтланган инде. Юл кырыйларын тәртипкә китерделәр, тротуарлар төзеделәр, машина кую урыннары һәм стоянкалар җиһазландырдылар. Быел калган ике юлның калган икесенә капиталь ремонт ясау таләп ителә. Моның өчен ТР Хөкүмәте 222 миллион сум акча бүлеп биргән.
- Кирәкле әзерлек эшләрен башкармыйча ремонтка керешү мөмкин түгел. Һәм безгә беренче чиратта юл полотносының өске катлавын тулысынча җыештырырга, юл читләрендә һәм тротуар кырыйларында борт ташлары урнаштырырга туры килде, - дип сөйли Минсит Минрахманович.
Тротуарга килгәндә, ул элек булмаган урыннарда да барлыкка киләчәк. Әйтик, «Находка» кибете янындагы юл участогы буенча. М.Горький тыкрыгыннан Энгельс урамына кадәр участокта ике яктан да тротуар яңартылачак һәм киңәйтеләчәк.