БАМ күперендә яклау экраннары барлыкка киләчәк
Димәк, быел көзге яңгырлы көннәрдә күпер аша чыгу җәяүлеләргә, бигрәк тә әниләргә, балалар өчен уңайсызлыклар тудырмаячак.
Шәһәрдә үзәк юлны капиталь төзекләндерү эшләре июль уртасында башланды. "Бүген монда төп көчләр күчерелде. Эшләрнең күп өлешен август ахырына төгәлләү бурычын куябыз, - ди “Брус” юл предприятиесенең Әгерҗе участогы җитәкчесе Минсәт Мәһдиев.
Эшләр кысаларында БАМск күперенең җәяүле өлешендә саклык экраннары урнаштырылачак. Димәк, быел көзге яңгырлы көннәрдә күпер аша чыгу җәяүлеләргә, бигрәк тә әниләргә, балалар өчен уңайсызлыклар тудырмаячак.
- Юл кырыйлары, яңгыр суын бүлеп бирү өчен лотоклар, транспорт парковкалары - барысы да стандартлар нигезендә эшләнәчәк. Тиешле урыннарда тукталыш павильоннары, җәяүлеләр кичүләре, юл билгеләре урнаштырылачак, - дип хәбәр итә Минсит Минрахманович.
Бу эшләрне башкарып чыгу өчен билгеләнгән вакытта үзәк урамга "Брус" предприятиесеннән генә дә 50дән артык эшче җәлеп ителде. Болар - тракторчылар, экскаваторчылар, грейдеристлар, юл төзүчеләр, катоклар йөртүчеләр, машинист-укладчиклар һәм башкалар.
- Аларның һәркайсы алдында торган бурычны бик яхшы аңлый һәм аны үтәү өчен бөтен көчен куя, - дип ышандыра җитәкче.
Бу көннәрдә К. Маркс урамындагы юл полотносында асфальтның беренче катлавын салуга керештеләр. Әлбәттә, бу эшләр йөртүчеләргә шактый уңайсызлыклар тудырачак. Ләкин шуны да онытмыйк, алар башкарылгач, бу урам буйлап хәрәкәт уңайлы булачак.