“Тугызбуй”да ашлыкны махсус капчыкларда саклыйлар
Эшчеләр яңа технологияне кире кайтарганнар инде
Әгерҗе ит комбинатының “Тугызбуй” агрофирмасында бөртекле культураларны кышкы саклауга куюның яңа технологиясен кертәләр. Бу - ашлыкны полимер капчык-җиңнәрдә саклау ысулы.
Әлеге технологияне республикада әлегә берничә хуҗалыкта гына кулланалар. Безнең районда «Тугызбуй» - беренче «карлыгач».
Бу технологиянең үзенчәлеге нәрсәдә соң? Бөртекле җиңнәр - 60 метр озынлыктагы һәм 200 тоннага якын сыешлы өч катлы полимер капчыклар, аларны бөртекле ашлык төрү машинасы - бэггер тутыра.
Җиңнәрне тутыра башлаганчы, оптималь урынны сайлап алу мөһим. Капчыклар өчен мәйданчык тигез һәм каты булырга тиеш - ашлыкны тутырганда һәм бушатканда зарарлану куркынычын минимальләштерү максатында җиңне дөрес формалаштыру өчен. Шулай ук эре мөгезле терлекләрдән һәм башка хайваннардан капчыклар салынган территорияне аерып карау яхшырак.
Агрофирмада эшләүче ир-атлар төркеме яңа технологияне үзләштергән инде.